شنو هو الفريلانس؟
الفريلانس هي خدمة تقدر تقدمها كفرد "ماشي شركة" للناس من مختلف العالم أو الشركات اللي محتاجينها، مقابل أموال. ماشي ضروري تكون خدام مع شركة وحدة، تقدر تخدم مع بزاف ديال الناس في دول العالم وأنت جالس فدارك، غير خصك تكون عندك مهارة او موهبة كتقنها مزيان فعالم الافتراضي.
- الفريلانس كيتكون من عدة مجالات بحال:
التصميم
الكاتبة وصياغة المحتوى
الترجمة
البرمجة
المونتاج
تعليق الصوتي
خدمة الزبناء
صناعة لوجود
التسويق
تطوير التطبيقات والمواقع
التعليم عن بعد...
ولي مزيان فهاد المجال، هو أنك تقدر تبدا من والو ، غير بتليفون او دار.
علاش الفريلانس كيبان فرصة مزيانة للمغاربة؟
الوقت: كتختار الوقت اللي بغيتي تخدم فيه نت.
مدخول جيد: تقدر تخدم من دارك مع ناس من أمريكا، أوروبا... وتدخل بزاف ديال فلوس بالدولار أو الأورو.
استقلالية: بهاد الخدمة انت اللي كتحكم فخدمتك.
تطوير المهارات: كتعلم بزاف أو مع الوقت كتحسن المهارة ديالك.
شنو خاصك باش تبدا الفريلانس فالمغرب؟
- باش تبدا مجال الفريلانس من المغرب، وحتى بـ 0 درهم، خاصك 3 حوايج اساسين:
مهارة:
ضروري خاصك تكون عندك شي حاجة كتتقنها مزيان، بحال:
التصميم على Canva أو Photoshop
الترجمة والكتابة
البرمجة
التعليق الصوتي
مونتاج الفيديوهات
التسويق عبر مواقع التواصل الاجتماعي
إلا معندكش هاد المهارة؟ تقدر تبدا من دبا تتعلم فابور من يوتيوب أو مواقع بحال:
Coursera
Udemy (فيه العديد من الدروس مجانا)
Edx
Skillshare
مواقع "أكواد ويب" أو "المستقل" محتوى العرب
الهاتف أو الكومبيوتر
إلا كان عندك الكومبيوتر، فراه مزيان، ولكن حتى الهاتف تقدر تبدا فيه بكل سهولة فبعض المجالات بحال ترجمة، إدارة منصات مواقع التواصل الاجتماعي، الكتابة، التصميم باستخدام canva.
الانترنت
شبكة الانترنت ضروري باش تقدر تخدم مزيان او كذلك تواصل مع الزبائن وتسلم الخدمات ديالك بكل سهولة.
كيفاش تبدا الخدمة خطوة بخطوة؟
الخطوة الأولى: تعلم مزيان أو طور المهارة ديالك
قبل ما تقلب على خدمة، تأكد أنك كتقن ديك الخدمة مزيان. استثمر الوقت ديالك فالتعليم أو كذلك مرحلة التطبيق، حاول دير مشاريع تجربية باش تولي عندك خبرة.
مثلا: بغيتي تخدم فالمونتاج؟ خدم فيديوهات للأصدقاء ديالك، ولا خدم فيديوهات تجربية على منصة يوتي.
الخطوة الثانية: وجد بروفيل ديالك
هذآ هو cv ديالك فالعالم الرقمي. كيكون فيه:
نماذج من الخدمة ديالك
شنو والمهارة لي عندك
خدمات
طريقة التواصل مع الزبائن
تقد دير هادشي على شكل PDF، ولا تحطو فالمنصة مجاناً بحال:
Behance (للمصممين)
GitHub (للمبرمجين)
Google drive (تقدر تحط فيه خدمتك)
Linktree كيجمع روابط لأعمالك
الخطوة الثالثة: التسجيل في مواقع الفريلانس
كاينين بزاف ديال منصات فين تقدر تبيع خدماتك. بعضها كيتطلب بطاقة البنكية، والبعض لا. ها بعض المواقع اللي تقدر تبدا منها:
مواقع اجنبية:
Fiverr.com تقدر تبيع الخدمات ديالك على هاد المنصة بـ 5 دولار أو أكثر.
Upwork.com: فيه بزاف ديال المشاريع وتقدر دخل منو بزاف ديال فلوس، ولكن خاصك تدير cv احترافي.
Freelancer.com
Peopleperhour.com
مواقع عربية:
Mostaql.com: الموقع تابع لمنصة حسوب، خاص بالكتابة، التصميم، البرمجة...
Khamsat.com: خاص للمبتدئين
Nabbesh.com
الخطوة الرابعة: خدم على المعقول والتقييمات
أول خدمة كتساليها، حاول دائما تكون احترافية، باش تاخد تقييم ايجابي من الزبون. هاد التقييم هو اللي غادي يخلي زبناء آخرين يتقو فلمنتوج ديالك.
فالبداية ديالك حاول دير آثمة مناسبة، وخدم على بناء السمعة بالك.
الخطوة الخامسة: طور راسك مع الوقت
ما توقفش فنفس البلاصة، حاول تبتكر وتعلم الجديد فمجال ديالك. تابع قنوات اليوتيوب، تعلم من الكورسات، مع الوقت غادي تطور المهارة ديالك.
شنو هي الصعوبات اللي ممكن تواجهك؟
قلة التجربة: غالبا غادي تلقى صعوبة في البداية، ولكن الصبر.
طرق الدفع: كيبقي تحويل الاموال من المنصات للمغرب، ولكن تقدر تستعمل هاد البنوك:
حساب Payoneer
حساب بنكي cih
المنافسة: بزاف ديال شباب مختصين فهاد مجال، خاصك دير ثمن زوين أو الجودة في المنتوج.
نصائح ذهبية للمغاربة اللي باغيين يبداو فالفريلانس
خد الأمور بجدية، راه بيع الخدمات ماشي هواية.
تواصل مع الزبائن من مختلف بقاع العالم. بأسلوب محترف.
بدا فلول فمجال صغير من بعد طور المهارة ديالك.
خدم على البراد الشخصي ديالك مثلا (الإسم، اللوغو، طريقة بيع الخدمات...).
خلي الخدمة مع الوقت غادي تعلم أو كولشي غادي يكون ساهل.
الخاتمة
الفريلانس هو بوابة لتقدر تخليك تنتقل الى العمل الحر او غير من الدار، وتبني حياتك المهنية بكل سهولة، بلا راس المال، بلا توقيت.
من المغرب، وحتى بـ 0 درهم، تقدر تبدا أو مشروع ديالك، ولمن دائما خاصك تصبر او تخدم على راسك.
الفريلانس راه ساهل، ولكن الصبر والعمل، غادي يلقى النجاح كيتسناه.
مرحبا بالجميع