فهاد الوقت، ولات الحياة كتجري بزربة، والتغيرات كتوقع كل يوم: تطور التكنولوجيا، الأسعار كتطلع، وحتى العلاقات الاجتماعية تبدلات، بزاف ديال الناس ولا عندهم الخوف دائم من المستقبل: واش غادي نلقى خدمة في المستقبل؟ واش غادي ننجح فمشروعي؟ واش غادي نقدر نعيش مرتاح في المستقبل؟
الخوف من المستقبل كيقدر يخليك عايش فالتوتر بزاف، راحة والو، وبعض مرات كيولى حتى مرض نفسي بحال القلق أو الاكتئاب. ولكن راه كاين حلول علمية قادرة أنها تهنيك أو تعاونك باش تقدر تعيش مرتاح فالحياة الشخصية ديالك.
علاش ولات الناس كتخاف من المستقبل بزاف؟
1. خاصك تعرف أصل الخوف ديالك:
أول خطوة باش تواجه الخوف ديالك، هي تعرف منين جاي. وش كتخاف من الفشل؟ من الفقر؟ من المرض؟ ولا شي سبب اخر؟
واحد الحاجة خاصك تعرفها: الخوف من المستقبل غالبا ما كيكون مبني على افكار كثيرة واحتمالات ماشي على الواقع ديال حيات ديالك. العقل ديالنا كيكبر مع الوقت او مشاكل، وكيتخيل سيناريو سلبي يوميا، وحتى حاجة ما وقعات فعلا!
الحل لي كاين هو خاصك تكتب مخاوف ديالك فواحد مورقة بيضاء، وسول راسك:
واش هادشي اللي خايف منو وقع ليك منقبل؟
واش كاين دليل أنه غادي يوقع؟
شنو هو أسوء سيناريو لي ممكن يوقع ليك في المستقبل؟
وشنو نقدر ندير إلا وقعات؟
غير هاد تمارين كيساعد بزاف باش تنقص من التوتر او القلقل المفرط وتفهم أن العقل بعض مرات كيلعب بيك.
الخوف من المستقبل: 4 حلول فعالة للتخلص من القلق وبناء حياة مطمئنة
2. ركز على الحاضر وخدم مزيان على المستقبل ديالك:
المستقبل ماشي بيدك، ولكن الحاضر راه ديالك، كل تانية كتضيعها فالتفكير فاللي جاي، هي دقيقة ضيعتها فالبناء دابا.
واش عارف شنو خاصك دير من هنا لقدام؟
نظم الوقت ديالك، وحط جميع اهداف ديالك.
حسن صحتك، حيت رياضة أهم شيء فهاد الحياة.
جرب التأمل او رياضة باش تنقص شويا من الفلفل.
كل يوم كتخدم فيه على راسك، راك كتقرب خطوة نحو المستقبل مزيان. ماشي ضروري تعرف كلشي، ولكن خاص يكون عندك هدف واحد.
كيفاش نتهنى من الخوف أو تعيش مرتاح
3. بدل نظرتك للفشل للمستقبل:
اغلب الناس كيخافوا من المجهول حيت كيخافوا من الفشل أو كيتعرضو لخيبات. ولكن واش عارف أن الفشل جزء ضروري من النجاح فلحياة ديالك؟ ماشي عيب طيح او تفشل، العيب هو تخلي الخوف يتمكن منك بكل سهولة.
بدل الافكار ديالك:
الفشل راه درس، ماشي نهاي.
المستقبل فيه فرص، ماشي غير المخاطر.
كل تحدي هو فرصة باش تعلم مزيان.
الناس اللي وصلو من قبلك، راه تعثرو، ولكن ما خلاوش الخوف يشدهم.
4. فكر مزيان وخلي الإيمان بالله:
من غير الخطوات و تخطيط الجيد، كاين واحد الجانب مهم بزاف: الايمان. خاص يكون عندك اليقين أن كلشي غادي يكون بخير، وأن اللي كتدير دابا غادي يعطي فرص حقيقة.
- نصائح جد رائعة:
صلي، ولا دير تأمل، ولا خصص وقت للقراءة.
تقرب من الناس أو حاول تكون اجتماعي.
قرى الكتب أو شوف فيديوهات.
أمن بلي أن الرزق و المكتوب كاين، ولكن خاصك تكافح.
الخوف كيضعف ملي كتكون قريب من شي حاجة.
الخاتمة
الخوف من المستقبل ماشي عيب، كلنا كنعانيو منو فشي لحظات من لعمر ديالنا، ولكن الفرق هو كيفاش نتعاملو معاه.
راه تقدر تعيش مرتاح، غير خاصك تبدا تخدم على راسك مزيان او طور من الحياة شخصيه ديالك، المستقبل ماشي سي وحش كنتسناك، راه نتيحة للافكار سلبية ديالك.
مرحبا بالجميع